Der Schwager
- von Claus R. Müller, Sigmaringendorf -
Es musst an Ma´- des kommt halt vor,
da krank, ganz schnell ins Krankenhaus
und dett am großa Eingangstor
hält ihn a Ordensschwester auf.
"Sag guater Ma´- wo sollet mir
en onsrem Krankenhaus die lega,
in Klasse eins, zwei oder vier?"
Er ... zuckt di Schult´ra ganz verleaga.
"Jo mei was soll i dozua saga"
moint der Patient ... "des woiß i net!"
doch d´Schwester duat schnell weiterfroga,
wia´s bei ihm finanziell so steht.
"Oh je" hörscht do den Guata jom`ra,
"arm ben i wia a Kirchamaus"
doch d´Schwester duat glei weitrbohra:
"Wia sieht´s mit dr`Verwandschaft aus?"
"Oh la´mi gau" stöhnt do der Bruader
"Bloß no a Schwester - sei so guat,
doch dia ist ein ganz armes Luader,
weil sie em Kloster leaba duat!"
Doch d`Antwort drauf die kommt sogleich,
die Fragerin bemerkt ganz laut:
"Dia ist itt arm, die ist ganz reich
da sie dem Herrgott seine Braut!"
Der guata Ma hot`s schnell erfasst
ond gibt zur Antwort voller Strahla:
"Dann legat sie mi erster Klass
und d´Rechnong soll mein Schwoger zahle!"